Nagpadala ang Philippine Navy og guided-missile frigate nga BRP Jose Rizal (FF150) aron magpahigayun og search and rescue operation para sa MV Devon Bay, usa ka cargo vessel nga Singaporean-flagged nga naunlod duol sa Scarborough Shoal niadtong Enero 22.
Ang insidente nahitabo 55 nautical miles sa amihanan-kasadpang bahin sa Bajo de Masinloc, Zambales.
Ang barko adunay 21 ka Pilipino nga tripulante diin sumala sa post sa China Military Bugle, 15 niini anaa sa stable nga kondisyon, 2 ang kumpirmadong namatay, samtang 4 ka crew members ang wala pa makit-i.
Matod pa sa Philippine Coast Guard spokesperson Capt. Noemie Guirao-Cayabyab, una nang nagpaabot og tabang ang China Coast Guard (CCG) human marekober ang 17 ka Filipino crew members.
Gilauman sa mga awtoridad nga makaplagan na nila ang uban pang Pilipino nga tripulante nga nawala sa insidente.