Gigarantiya sa Commission on Elections (Comelec) nga madayon ang umaabot nga piniliay sa Mayo 2028 ug dili mahitabo ang giingong “No Election” o no-el scenario sa nasud. Kini ang gipahayag ni Comelec Chairman Atty. George Erwin Garcia subay sa mga nanggawas nga espekulasyon ug opinyon kalabot sa posibleng pag-oktaba sa eleksyon.
Matud ni Garcia, bisan pa man kon aduna kini pagtahod sa maong mga personal nga opinyon, dili kini mahitabo tungod kay ang eleksyon nakalatid ug gipanalipdan sa Saligang Batas kon Constitution.
Bisan pa man kon aduna pay duha ka tuig ang nahabilin sa dili pa ang 2028, gibutyag sa tsirman nga hingpit ang pagpangandam karon ka todo ug seryoso ang gihimong pagpangandam sa komisyon aron masiguro ang hapsay ug limpyo nga automated elections.
Gihatagan usab niini og gibug-aton nga walay bisan unsang ordinaryong balaod ang mamahimong molabaw o mas gamhanan pa kaysa sa Saligang Batas, ug mandato sa Comelec nga tumanon ang maong kamanduan tungod kay ang eleksyon nakalatid ug gipanalipdan sa Saligang Batas kon Constitution. Â