Nabulabog ang selebrasyon sa 2026 Camel Beauty Show Festival sa nasod sa Oman human madiskobrehi sa mga beterinaryo nga ubay-ubay sa mga kamelyo ang gipaubos sa grabeng cosmetic enhancements.
Moabot sa 20 ka kamelyo ang daling gidiskwalipika sa maong kompetisyon human mapamatud-i nga gipang-indeksyunan kini og Botox ug lip fillers aron mahimong mas “pouty” ug madanihon ang ilang mga ngabil.
Gawas niini, nakit-an usab ang paggamit og mga silicone implants aron usabon ang porma sa ilang ilong, ingon man ang paggamit og hormone injections aron mapadako ang ilang mga hump ug kaunuran.
Giisip nga usa ka seryosong negosyo ang mga camel beauty contests sa Oman tungod sa dako nga premyo, hinungdan nga natintal ang pipila ka mga breeders nga manikas pinaagi sa mga gidiling pamaagi.