Ellen Adarna, gipaambit ang sustentong kwarta ni John Lloyd Cruz para sa ilang anak nga Elias

Gipaambit sa aktres nga si Ellen Adarna ang usa ka video sa iyang Instagram account diin makita siya nga gilaparo sa mga stack sa kuwarta, nga iyang gihimo isip usa ka humorous content.

Sa iyang post, gihangyo ni Adarna ang iyang mga followers nga maghatag og caption sa maong video.

Nakadawat kini og nagkalain-laing reaksyon gikan sa mga netizen, lakip ang mga pangutana bahin sa gigikanan sa kuwarta ug mga komento nga nangutana kung aduna ba siyay boyfriend.

Sa iyang tubag, gipasabot  ni Adarna nga ang kuwarta nga iyang gipakita mao ang monthly support gikan kang John Lloyd Cruz alang sa ilang anak nga si Elias.

Dugang usab ni Ellen nga wala siyay boyfriend ug gihimo lamang niya og kataw-anan ang maong content.