Gikabalak-an ang posibleng pag-init pa sa temperatura sa Pilipinas tungod sa pag-abot sa El Niño, samtang gisusi usab ang posibleng kontribusyon sa dagkong AI data centers sa pagsaka sa temperatura sa nasud.
Base sa report, adunay posibilidad nga mahimong kusog ang El Niño ning tuiga, human nga natala sa Metro Manila niadtong 2024 ang pinakataas nga temperatura nga 38.8 degrees Celsius.
Lakip sa gikabalak-an ang plano nga tukoron ang 1,600-hectare high-tech industrial hub sa New Clark City, Tarlac, diin sentro ang artificial intelligence o AI ug gipaabot nga adunay dagkong data centers.
Matud sa report, ang mga pagtuon nagpakita nga mahimong mosaka og hangtod duha ka degrees Celsius ang land surface temperature sa mga lugar nga duol sa nag-operate nga AI data centers.
Samtang, gipaabot nga magpadayon ang pagmonitor sa kahimtang sa klima ug sa posibleng epekto sa El Niño sa lain-laing sektor, ilabina sa agrikultura, suplay sa tubig ug enerhiya.