Mas gipakusgan sa DepEd Malaybalay ang mga lakang sa seguridad sa mga eskwelahan pinaagi sa koordinasyon sa kapulisan, barangay ug lokal nga kagamhanan.
Kini human sa natigayon nga laing insidente sa pagpamusil sa usa ka tunghaan sa South Cotabato diin 3 ang natala nga namatay ug pipila ka mga naangol.
Matud sa City Schools Division Superintendent nga si Dr. Cherry Mae Limbaco, padayon ang pagpatuman sa random checking ug pagmonitor sulod sa mga eskwelahan aron masiguro ang kaluwasan sa mga estudyante ug kawani.
Aduna usab mga simulation ug koordinasyon uban sa PNP ug barangay alang sa pag-andam sa posibleng insidente. Â
Kabahin matud pa sa maong lakang mao ang pag-chek sa mga bag sa mga estudyante pagsulod sa eskwelahan lakip na ang randam check-up sulod mismo sa mga classrooms.
Dugang pa, dili lamang sa mga barangay nakigkoordina ang ilang buhatan apan lakip usab sa ubang mga ahensya.