Subling mag-uban sa big screen ang fashion icon nga si Heart Evangelista ug aktor-direktor John Prats alang sa ilang unang solo movie isip magkaparis human sa kapin 20 ka tuig.
Opisyal nga gipahibalo ang ilang much-awaited reunion project atol sa usa ka media conference sa Cornerstone Studios.
Gilauman nga ipagawas sa Pebrero 2027 ang maong pelikula, diin si Prats mahimong aktor ug direktor.
Kahinumduman nga usa sa mga paboritong loveteam sa Philippine showbiz niadtong 2000s sila Evangelista ug Prats, nga nailhan sa ilang mga fans isip “JoHeart.”
Nailhan ug nahinumdoman sila pinaagi sa ilang mga papel isip Missy ug Yuan sa television series nga G-mik, nga nahimong popular niadtong 2000s.
Sa miaging mga tuig, nagkita usab ang duha ka aktor sa usa ka episode sa reality series ni Evangelista nga “Heart World.”
Na-feature usab sila sa music video ni TJ Monterde alang sa iyang hit single nga “Teka Lang” niadtong Hunyo.