Napakita sa kahanas ang Filipino Olympian ug pole vaulter nga si EJ Obiena human niini makuha ang gold medal sa ISTAF Indoor didto sa Berlin, Germany.
Nakab-ot ni Obiena ang season-best nga lukso nga moabot sa 5.78 metros.
Gikinahanglan lamang sa Pinoy nga atleta ang usa ka attempt aron molampos sa 5.78 metros, samtang kaduha kini misulay una nalahos ang 5.60 metros.
Nagtabla kini ni Simen Guttormsen gikan sa Norway, apan nakuha ni Guttormsen ang silver medal tungod kay mas daghan kini og nahimong attempts sa mga naunang gitas-on itandi kang Obiena.
Misulay ang duha sa paglukso sa 5.83 metros apan parehong napakyas sa paglapas niini. Bisan pa, ang kadaogan ni Obiena nagpamatuod sa iyang kalig-on isip usa sa mga top pole vaulters sa tibuok kalibutan.