Gipahimutang sa full alert ang kapulisan sa Northern Mindanao karong Lunes alang sa mga kilos-protesta nga magtimaan sa ika-54 nga anibersaryo sa deklarasyon sa Martial Law.
Matud ni Maj. Joann Navarro, tigpamaba sa Police Regional Office-10, gipakatap ang mga police unit sa importanteng mga lugar aron masiguro ang kaluwasan sa publiko ug dali nga makatubag sa posibleng insidente atol sa mga tigom.
Giisa usab sa PRO-10 ang 489 ka personnel nga gilangkuban sa 268 gikan sa Reactionary Standby Support Forces ug 221 gikan sa Quick Reaction Forces isip dugang pwersa sa mga lokal nga unit.
Kini human sa pagdeploy og 511 ka personnel niadtong Domingo. Sumala ni PRO-10 director Brig. Gen. Nestor Babagay Jr., andam na ang kapulisan sa pag-atubang sa gipaabot nga mga protesta, lakip ang pagpanalipod sa komunidad ug sa mga partisipante sa mga kilos-protesta.