Moira Dela Torre, gihimakak ang pasangil nga siya ang ‘third party’ sa panagbuwag nila ni Sam Milby ug Catriona Gray

Gihimakak sa mag-aawit nga si Moira Dela Torre ang mga pasangil nga siya ang nahimong third party o hinungdan sa panagbuwag sa aktor nga si Sam Milby ug kanhi Miss Universe Catriona Gray.

Sa taho sa Bombo Radyo, gipahayag ni Moira nga giisip lamang niya si Sam nga daw usa ka magulang nga lalaki tungod sa ilang kasuod. Naglibog usab ang mag-aawit kon nganong nalambigit ang iyang ngalan sa nahitabong panagbuwag sa duha.

Dugang pa niya, nakamugna og lamat sa ilang panaghigalaay ni Sam ang maong mga hungihong, bisan pa sa iyang pagtin-aw nga walay bisan gamay nga kamatuoran ang maong mga espekulasyon batok kaniya.