Niduaw sa nasud sa Qatar si Iranian Foreign Minister Abbas Araghchi alang sa usa ka serye sa konsultasyon kabahin sa mga pinakabag-ong kalamboan sa Tunga-tungang Sidlakan (Middle East) sa dili pa kini moadto sa New York alang sa United Nations General Assembly.
Sa taho sa Bombo Radyo, gihimo ang maong pagbisita sa Doha—nga nagsilbing pangunang magpataliwala (mediator) sa Estados Unidos ug Iran—dungan sa pagsumiter sa Iran sa ilang mga kondisyon aron tapuson ang blockade sa estratehikong Strait of Hormuz. Nag-una sa mga kondisyon sa Tehran mao ang pagpangayo og pormal nga pagtugot sa tanang barko sa dili pa molabay sa maong agianan sa tubig tungod sa seguridad ug soberanya, ingon man ang pagpataw og bayronon sa serbisyo sa mga molabag.
Isip tubag, nagpatuman usab ang Estados Unidos og dugang mga limitasyon sa mga dunggoanan sa maong rehiyon taliwala sa nagpadayon nga tensyon sa duha ka nasud.