Kapin ₱124,000 nga balor sa gitoohang shabu ang nasakmit samtang lima ka suspetsado sa ilegal nga druga ang nadakpan sa gipahigayong serye sa buy-bust operations sa managlahing dapit sa probinsya sa Bukidnon.
Gipahigayon ang maong hiniusang operasyon sa kapolisan ug PDEA sa mga lungsod sa Kalilangan ug Lantapan, lakip na sa mga dakbayan sa Malaybalay ug Valencia.
Unang nadakpan sa Kalilangan si alyas “Dodong” ug usab ang usa ka 26-anyos nga lalaki human nakuhaan sa kapin ₱40,596 nga balor sa shabu. Sa Dakbayan sa Malaybalay, nasikop si alyas “Akdul”, 59-anyos, nga nakuhaan og ₱27,703 nga shabu, samtang nadakpan usab sa Dakbayan sa Valencia si alyas “Tata”, 48-anyos, nga nakuhaan og ₱43,520 nga balor sa maong gidili nga druga. Nadakpan usab sa Lantapan si alyas “Clint” nga nakuhaan og ₱12,240 nga shabu.
Sa kasamtangan, ang tanang nadakpang suspetsado pabilin nga gihuptan sa matag stasyon sa kapolisan samtang ginaandam na ang pormal nga kaso batok kanila.