Walay nadeklarang cash on hand o bank deposits si Bise Presidente Sara Duterte sa i Statement of Assets, Liabilities and Net Worth (SALN) gikan sa tuig 2019 hangtod 2024.
Kini ang nakumpirma ni Rep. Joel Chua atol sa gihimong pagpangutana ngadto kang Atty. Karen Batu sa Office of the Ombudsman.
Gikuwestiyon kini ni Rep. Chua ang sulod sa SALN sa Bise Presidente human nga sukad 2022 hangtod 2024, bisan og nagataas ang net worth ni VP Sara, wala kini nadeklara nga cash on hand o bank deposits.
Sumala pa ni Chua, mugawas nga sukad 2019 hangtod 2024, wala matud pa’y bisan unsa nga kantidad sa cash ang nadeklara, sukwahi sa mga niaging tuig.
Samtang Gipadayag ni Rep. Leila de Lima ang giingong paspas ug dako nga pagsaka sa bahandi ni Vice President Sara Duterte, nga matud pa naghatag og pagduhaduha.
Base sa datos nga gipresentar sa House Committee on Justice, niabot ngadto sa Php 88.51M ang net worth ni Duterte niadtong 2024 gikan sa Php 34.89M niadtong 2016.