Giatubang sa duha ka prosecutors sa impeachment trial ni Vice President Sara Duterte ang show cause order nga gipagawas sa Senate impeachment court tungod sa ilang mga pahayag may kalabotan sa kaso ug sa sub judice rule.
Sumala kang kanhing House Representative ug prosecution spokesperson Robert Ace Barbers, dili lamang ang prosecution ang sakop sa sub judice rule, kundili apil usab ang defense, senator-judges ug ang respondent.
Matud pa ni Barbers, posible nga adunay mga pahayag nga mahimong masabtan sa publiko isip pagpasabot sa kaso, apan wala kini gitumong aron maimpluwensyahan ang mga senator-judges.
Samtang, gipanghimakak ni prosecution legal spokesperson Atty. Benjamin Tolosa ang paglapas sa sub judice rule sa iyang mga pahayag.
Gipahayag usab ni Manila Representative Bienvenido Abante nga dili niya makita nga maimpluwensyahan sa maong mga pahayag ang mga senator-judges.
Ang show cause order naghatag og higayon sa mga hingtungdan nga ipasabot ngadto sa impeachment court ang ilang mga pahayag ug nganong dili kini angay isipon nga paglapas sa sub judice rule.