Tulo ang gikatahong nakabsan sa kinabuhi human sa giingong pinakadakong pag-atake gamit ang mga drone sa Moscow Region sa Russia nga gihimo sa Ukraine niadtong Septiyembre 20, atol sa kataposang adlaw sa parliamentary elections.
Matud ni Moscow Mayor Sergei Sobyanin, kapin 1,600 ka drone ang nangahagsa sa Russia sukad Sabado, lakip ang 450 nga paingon matud pa sa Moscow.
Naigo usab ang usa ka oil refinery ug gihikling ang mokabat 400 ka residente sa Ramenskoye district tungod sa kadaot sa mga bilding ug kabalayan.
Giingon sa mga opisyal sa Moscow nga tumong sa Ukraine nga samokon ang eleksyon, apan wala mapamatud-an ang maong alegasyon.
Samtang, nagpadayon ang pag-atake sa mga pasilidad sa enerhiya ug uban pang imprastraktura taliwala sa gubat sa duha ka nasud.