‘Whole-of-government response’ gikinahanglan alang sa pagsaka sa presyo sa paliton- Dy lll

Gihatagan og gibug-aton ni Speaker Bojie Dy III ang kamahinungdanon sa panaghiusa tali sa Kongreso ug sa Ehekutibo aron daling matubag ang nasinati nga krisis sa ekonomiya sa nasud.

Gipadayag ni Dy nga bisan ug dili kontrolado sa Pilipinas ang mga tensyon sa tibuok kalibutan nga maoy hinungdan sa pagsaka sa presyo sa lana, kuryente, ug uban pang mga paliton, adunay igong gahum ang gobyerno sa paghatag og konkretong aksyon.

Matud pa sa maong opisyal, ang gitawag nga “whole-of-government response” ang gipaabot sa katawhan niining panahona.

Gipasalig usab niya nga ang house of representatives nakatutok karon sa pagmugna og mga balaod ug polisiya nga magprotekta sa kaayohan sa matag Pilipino ug magpalig-on sa ekonomiya sa Pilipinas.