Sikop sa mga otoridad ang usa ka 25-anyos nga construction worker ug giila sa alyas “Ryan” human kini makuhaan og shabu nga nagkantidad og ₱36,040 sa gikasang buy-bust operation sa Purok 1, Barangay San Carlos, Valencia City, Bukidnon, kagahapong adlawa Mayo 17, takna sa alas 5:03 sa hapon.
Ang maong malampusong operasyon gilusad sa Valencia City Police Station, uban sa pakigtambayayong sa City Anti-Drugs Special Unit Team (CADSUT) ug sa Provincial Intelligence Unit sa Bukidnon.
Sa pagkakaron, temporaryong nagtingkagol na ang dinakpan sa maong estasyon sa pulisya alang sa pagpasaka sa tukmang kaso, samtang padayon usab ang hugot nga suporta ni Mayor Amie Galario ug Vice Mayor Greizl Galario-Fernandez kauban ang 10th Sangguniang Panlungsod sa kampanya batok sa ilegal nga droga sa syudad alang kalambuan ug kalinaw.