Gipailalom na sa sunod-sunod nga validation sa Office of the Ombudsman ang report nga nadawat niini gikan sa Senado kalabot sa giingong flood control scandal.
Kahinumduman nga gitandi sa Tanodbayan niining semanaha ang pagdawat sa report nga unang gihimo sa Senate Blue Ribbon Committee human sa serye sa mga hearing.
Matud ni Remulla, dako’g ikatabang ang Senate report aron mapalapad pa ang imbestigasyon sa nabutyag nga eskandalo ug sa posibleng pagsaka og kaso batok sa mga nalambigit.
Gipadayag usab nga gamiton ang report aron mapalig-on ang nagpadayon nga fact-finding investigation sa Ombudsman.
Sa pagkakaron, adunay nagdagan nga daghang imbestigasyon kalabot sa flood control projects, lakip ang posibleng mga kaso batok sa mga nalambigit sa implementasyon sa proyekto ug sa adunay giingong conflict of interest.
Gibutyag usab nga nag-andam na ang Ombudsman sa ikaduhang draft complaints batok sa pipila ka indibidwal nga giingong nalambigit sa “conspiracy to commit plunder,” apan wala pa hinganli ang tanang giimbestigahan.