Hugot ang pagpangandam sa COMELEC Region 10 alang sa umaabot nga lokal ug nasyonal nga eleksiyon sa tuig 2028. Gisugdan na karon ang voter registration sa nagkadaiyang buhatan sa COMELEC sa tibuok Region 10 aron malakip sa listahan ang mga kwalipikadong botante.
Gipahibalo ni COMELEC Region 10 Regional Director Renato Magbutay nga andam na ang ilang mga opisina sa pagdawat sa mga aplikante, lakip ang mga bag-ong botante nga buot marehistro aron makabotar sa 2028 elections.
Ang pamahayag ni COMELEC Region 10 Regional Director Renato Magbutay. Gidugang usab sa direktor nga dili lamang bag-ong rehistro ang serbisyo nga mahimong ma-avail sa mga aplikante sa COMELEC.
Lakip usab niini ang pagbalhin sa rehistrasyon, pagtul-id sa mga detalye ug pag-update sa civil status sa mga botante.