Gipahibalo ni U.S. President Donald Trump ang usa ka temporaryong 10% global import duty sulod sa 150 ka adlaw, aron mopuli sa mga taripa nga gi-declare nga iligal sa U.S. Supreme Court.
Subay niini, gimando usab ang bag-ong imbestigasyon ubos sa lain nga trade laws aron mapadayon ang taripa sa umaabot.
Ang bag-ong taripa giila ubos sa Section 122 sa Trade Act of 1974, ug adunay exemptions alang sa aerospace products, passenger cars, Mexico ug Canada products, pharmaceuticals, critical minerals, ug agricultural goods.
Ang taripa magpadayon hangtod sa aprobasyon sa Kongreso.
Gimando usab ni Trump ang country-specific investigations ubos sa Section 301 aron susihon ang “unreasonable ug discriminatory” nga lihok sa ubang nasud nga nakaapekto sa U.S. commerce.
Ang mga target posibleng China, Brazil, Vietnam, ug Canada.
Ang mga eksperto nag-ingon nga ang paggamit sa Section 122 ug 301 maghatag og klaro nga proseso para sa negosyo, uban sa formal investigation, research, ug public comment requirements.
Si Robert Lighthizer naglaum nga usbon ang trade laws aron hatagan si Trump og mas modernong himan sa pagpahamtang sa taripa.