Nagpahayag og paglaum ang four-time NBA champion ug Hall of Famer nga si Tony Parker nga muabot ang panahon nga adunay Filipino nga mahimong NBA player.
Matud niini, nagkadako ug nagkamaayo ang lebel sa basketball sa Pilipinas, busa “matter of time” na lang ang pag-abot sa usa ka Filipino nga mahimong maayong NBA player.
Giila usab ni Parker ang dakong gugma ug suporta sa mga Pilipino alang sa basketball, nga iyang nasinati mismo atol sa iyang pagbisita sa nasud. Si Parker anaa sa Manila uban nila NBA legends Jason Kidd ug Lauren Jackson alang sa unang NBA House Philippines.
Ang NBA House Philippines ipahigayon sa SPACE at One Ayala sa Agosto 29 hangtod 30, diin adunay mga kalihokan alang sa mga basketball fans, lakip ang mga guest appearance sa mga NBA ug WNBA champions.
Si Parker usa ka four-time NBA champion uban sa San Antonio Spurs ug nakadaog usab sa 2007 NBA Finals MVP.