12, namatay sa dagkong sunog sa amihanang-sidlakang Algeria

Patay ang 12 ka tawo ug 54 ang nasamdan sa sunod-sunod nga wildfire sa amihanang-sidlakang Algeria, diin unom sa mga nasamdan anaa sa kritikal nga kahimtang.

Sumala ni Interior Minister Said Sayoud, lima sa namatay gikan sa Jijel, upat sa Bejaia ug tulo sa Tizi Ouzou.

Nakaparehistro usab ang Civil Protection og 154 ka sunog sa tibuok nasud sulod sa usa lamang ka adlaw, lakip ang 36 sa Bejaia.

Padayon pa ang pagpakigbisog sa mga bombero sa pipila ka lugar.

Gipasamot sa grabeng heatwave nga miigo sa Algeria ug silingang Tunisia ang peligro sa sunog, samtang napugos ang mga awtoridad sa pag-evacuate sa daghang pamilya gikan sa mga apektadong lugar.