Gipildi sa Houston Rockets ang Oklahoma City Thunder, 116-89, sa ilangandam nga duwa sa wala pa magsugod ang regular season sa NBA niadtong Oktubre 15 sa Toyota Center sa Houston.
Nagpakita og lig-on nga depensa ang Rockets ug napahimulosan ang 17 ka turnovers sa Thunder aron makontrol ang duwa hangtod sa kataposan.
Nanguna sa Houston si Alperen Sengun nga nakapuntos og 14, nakakuha og pito ka rebounds ug nakahatag og lima ka assists.
Mitampo usab si Amen Thompson og 12 puntos.
Sa bahin sa Thunder, nanguna si Jalen Williams sa 18 puntos, samtang nakadugang si Shai Gilgeous-Alexander og 17 puntos.
Pinaagi sa kadaugan, natapos sa Rockets ang ilang preseason nga adunay duha ka daog ug usa ka pildi, samtang ang Thunder adunay usa ka daog ug upat ka kapildihan.