Nagkalahi og opinyon ang mga lumulupyo sa Bukidnon kalabot sa pagtugot sa pagsul-ob og sando sa eskwelahan tungod sa grabeng kainit sa panahon, samtang gipunting usab ang kakulang sa electric fan ug suplay sa tubig sa pipila ka tunghaan.
Alang sa pipila ka estudyante, ang pagsul-ob og sando dili angay sa pormal nga palibot sa eskwelahan, samtang ang uban miingon nga mahimo kini kon desente ug dili sobra kaabli ang sinina.
Samtang, gikabalak-an usab ang kakulang sa electric fan ug tubig sa pipila ka lawak-klasehanan nga mahimong makadugang sa kalisod sa mga estudyante sa pagtuon panahon sa grabeng kainit.
Isip paglikay sa epekto sa kainit, gitambagan usab ang mga estudyante nga magdala og payong ug igong tubig aron malikayan ang pagkahubas sa tubig sa lawas.Â
Makita ang panginahanglan sa pagpangita og angay nga paagi aron mapanalipdan ang kahimsog sa mga estudyante ug masiguro ang komportable ug luwas nga palibot sa pagkat-on panahon sa grabeng kainit.