Paningkamotan ni Pinay tennis star Alex Eala nga makabawi sa sunod-sunod niyang kapildihan sa dihang mosabak siya sa Ningbo Open sa China sunod semana.
Sa miaging tulo ka torneyo, wala makarekord og kadaugan si Eala, lakip ang wala damhang kapildihan batok sa unseeded Russian player nga si Tatiana Prozorova sa Round of 16 sa Singapore Open.
Ang Wuhan Open maoy pinakabag-ong WTA 1000 event nga giapilan ni Eala human sa iyang pagbalik sa kompetisyon.
Wala kini moapil sa China Open human sa iyang pagrepresentar sa Pilipinas sa bag-ohay lamang nga Asian Games.
Human sa Ningbo Open, moapil pa si Eala sa Toray Pan Pacific Open sa Tokyo, Japan, usa ka WTA 500 event nga ipahigayon gikan Oktubre 26 hangtod Nobyembre 1.
Sunod niini, moadto si Eala sa Hong Kong alang sa WTA 250 tournament gikan Nobyembre 2 hangtod 8, nga maoy kataposang torneyo niya karong 2026.