Lima ka parrot sa england, gibulag tungod sa batasang pagpamalikas ug pagpanungog sa mga bisita

Talagsaong panghitabo sa usa ka wildlife park sa England human gibulag ang lima ka African grey parrots tungod sa ilang batasang pagsulti og mga pamalikas ug pagpakatawa sa usag usa atubangan sa mga bisita.

Ang lima ka loro nga ginganlang Billy, Eric, Tyson, Jade ug Elsie, nakakat-on sa pagsulti og mga pamalikas samtang nag-uban sa quarantine.

Matag higayon nga mosulti og dili maayong pulong ang usa, sundon kini sa uban ug magkatawa silang tanan.

Mas nakapadasig kanila ang reaksiyon sa mga bisita nga makurat o mokatawa sa ilang gibuhat.

Busa, gibulag sila sa mga tig-atiman aron dili magdinasigay sa maong batasan ug aron dili kini madungog sa mga batang mobisita sa parke.