Ukraine nakadawat og dugang suporta gikan sa European Union batok sa Russia

Nagpahayag og padayon nga suporta ang mga lider sa European Union (EU) alang sa Ukraine sa nagpadayong gubat niini batok sa Russia atol sa summit sa Brussels, Belgium, niadtong Oktubre 16.

Nanawagan si European Council President Antonio Costa sa mga kaalyadong nasod nga dugangan ang tabang sa Ukraine ug palig-onon ang presyur batok sa Russia.

Gipasalig usab ni European Commission President Ursula von der Leyen nga dili tangtangon sa EU ang mga silot batok sa Russia hangtod nga mohunong kini sa gubat.

Samtang, nangayo si Ukrainian President Volodymyr Zelensky og dugang nga 70 bilyong euro nga pondo alang sa depensa ug uban pang panginahanglan sa nasod sa sunod tuig, ilabina sa nagkaduol nga tingtugnaw ug padayong pag-atake sa Russia.