Nasikop sa gipahigayon nga joint buy-bust operation sa Valencia City Police Station ug mga kaubang yunit sa kapulisan ug PDEA-10 ang usa ka 51-anyos nga babaye nga giingong newly identified drug personality didto sa Valencia City, Bukidnon.
Subay sa taho ni Bukidnon Police Provincial Office Director PCol. Oliver Sotto Navales, nahitabo ang pagsikop sa suspetsado nga giila sa alyas “Madam” kaganihang kadlawon, Oktubre 15. Nakumpiska gikan sa suspetsado ang upat ka sachet sa gitoohang shabu nga nagtimbang og 6.2 gramos ug nagbalor og ₱42,160, lakip na ang buy-bust money, usa ka cellphone, ug coin purse.
Natingkagol na karon sa pasilidad sa Valencia CPS ang nadakpan samtang giandam ang pormal nga pagpasaka og kasong paglapas sa Sections 5 ug 11 sa Republic Act 9165 o Comprehensive Dangerous Drugs Act of 2002.