Magpahigayon na usab og konsiyerto sa Pilipinas ang sikat nga Norwegian pop duo nga M2M sa sunod nga tuig alang sa ilang bag-ong global tour nga giulohan og “TWO”.
Nakatakdang ipahigayon ang maong usa ka gabiing show nila Marit Larsen ug Marion Ravn sa Abril 2, 2027 didto sa Smart Araneta Coliseum sa Cubao, Quezon City. Gipadayag sa duha nga tungod sa dakong suporta sa ilang mga sumusunod sa miaging mga pagbisita, nakadesisyon silang padayunon ang ilang pag-perform ug paghatag og kalipay sa ilang mga fans sa tibuok kalibutan.
Nailhan ang M2M sa ilang mga sikat nga kanta sama sa “Don’t Say You Love Me,” “Pretty Boy,” “The Day You Went Away,” ug “Mirror Mirror.” Magsugod ang opisyal nga pagbaligya sa mga tiket alang sa maong konsiyerto karong Oktubre 24 pinaagi sa TicketNet.