Nagkasabot ang Department of Finance (DOF) ug World Bank nga paspason ang pagproseso sa pondo alang sa mga proyekto sa kalamboan sa Pilipinas.
Gihisgotan ni Finance Secretary Frederick Go ug World Bank Managing Director of Operations Anna Bjerde ang mga gisugyot nga pondo alang sa mga reporma sa gobyerno ug mga pondo nga mahimong magamit panahon sa mga kalamidad, atol sa ilang panagtagbo sa Bangkok, Thailand.
Base sa datos sa World Bank, aduna kiniy 21 ka aktibong operasyon sa Pilipinas nga nagkantidad og 8.73 bilyong dolyares o kapin 550 bilyong pesos, nga naglangkob sa 12 ka sektor hangtod sa kataposan sa Agosto.
Dugang niini, aduna usab 113 ka aktibong grant nga nagkantidad og 98 milyong dolyares o kapin 6.18 bilyong pesos alang sa teknikal nga tabang ug pagpatuman sa mga proyekto.