Gilauman nga gaan ang kahimtang sa pagboto pabor sa impeachment batok kang Vice President Sara Duterte karon itandi sa mga reklamo nga gipasaka niadtong miaging tuig.
Sumala ni ACT Teachers Representative Antonio Tinio, nga ang unanimous nga botasyon sa House Committee on Justice nga 53-0 nagpamatuod nga mabinantayon ug lawom ang pag-usisa sa komite sa matag reklamo, hinungdan nga wala sila nagduhaduha sa pag-ingon nga adunay igong basehan o probable cause.
Nagtuo usab si Tinio nga mosaka pa ang suporta sa ubang mga mambabalaod kung maipresenta na sa plenaryo ang detalyadong committee report nga naglakip sa tanang findings sa mga pagdungog.
Ang maong kalamboan nagpakita sa posibleng lig-on nga direksyon sa impeachment case samtang kini padulong na sa sunod nga yugto sa proseso sa Kamara.