Nanawagan si Senate Committee on Sports Chairman Sen. Bong Go nga ipahilayo ang mga atletang Pilipino sa internal politics ug unahon ang ilang kaayohan.
Matud ni Go, kinahanglan silang tugotan nga makapokus sa ilang pagbansay ug pagpangandam alang sa mga kompetisyon nga walay pagsamok sa mga isyu sa sulod sa organisasyon.
Matud ni Sen. Bong Go, mokabat lamang sa ₱1.3 bilyon ang naaprobahang igahin alang sa 2027 nga badyet sa Philippine Sports Commission (PSC), kini atol sa pagdungog sa badyet alang sa sektor sa sports karong adlawa, Oktubre 14, 2026.
Matud ni Go, katumbas lamang kini sa unom ka porsiyento sa ilang gisugyot nga kantidad ug 0.018 porsiyento sa ₱7.2 trilyong nasudnong badyet.
Isip vice chairperson sa Senate Committee on Finance nga nagdumala sa badyet alang sa sports, padayon siyang naningkamot nga madugangan ang pondo sa PSC.
Nanawagan usab kini sa mga responsable sa pag-andam sa NEP nga makigsabot sa ehekutibong departamento aron madugangan ang pondo alang sa sports.