NBI, mopasa sa Ombudsman og ebidensya sa giingong sayop nga deklarasyon sa yuta ni VP Sara

Wala ikatingala ni NBI Director Atty. Melvin Matibag ang pagdumili ni Vice President Sara Duterte sa alegasyon nga sayop ang deklarasyon sa iyang mga yuta sa Statement of Assets, Liabilities and Net Worth (SALN).

Matud ni Matibag, duha ka lote sa Barangay Katigan, Davao City, ang gideklarar isip agricultural land sa SALN ni Duterte.

Dugang pa niini, adunay helipad sa maong lugar, ug gisusi sa NBI ang mga titulo ug koordinado sa yuta isip kabahin sa ilang imbestigasyon.

Gipahibalo ni Matibag nga ipasa sa NBI ngadto sa Office of the Ombudsman ang mga ebidensyang nakolekta aron kini maoy mopadayon sa imbestigasyon ug mohimo sa angay nga lakang.