Gipasalig sa prosekusyon nga lig-on ang ilang kaso batok kang Bise Presidente Sara Duterte, taliwala sa pag-oktaba sa tulo ka articles of impeachment. Sumala sa prosekusyon, giingong estratehiya sa depensa ang paglangan sa impeachment proceedings.
Matud ni Deputy Speaker Janette Garin, kanunayng mosupak ang depensa, moingong dili pa andam, ug mangayo og lugway o pagpadayon sa sunod nga adlaw o semana.
Dugang pa niini, inay nga direktang tubagon ang mga alegasyon, nakita sa pipila ka impeachment trial nga mas gipunting sa depensa ang paglangan sa mga proseso.
Giakusahan niini ang depensa sa paggamit og mga taktika sa paglangan sa impeachment trial, nga matud pa posibleng abton pa og lima ka tuig kon tugotan.
Dugang pa sa mambabalaod, posibleng tumong sa maong mga paglangan nga kapuyon ang mga senador-huwes ug maliso ang atensyon sa publiko gikan sa mga alegasyon batok kang VP Sara.
Gikaiingon usab nga ang depensa maoy angay basulon sa mga paglangan sa impeachment proceedings batok sa Bise Presidente tungod sa kanunayng pagpangita og mga rason aron malangan ang pagdepensa.