Nagpasalamat ang concert director ug aktor nga si John Prats ngadto sa magtiayong singer-songwriters nga sila si KZ Tandingan ug TJ Monterde human sa opisyal nga pagtapos sa ilang “In Between” concert series.
Gipahigayon sa duha ang ilang katapusan ug emosyonal nga mga show didto sa Qatar ug Dubai niadtong miaging katapusan sa semana. Sa iyang mensahe sa social media, gipadayag ni Prats ang pagpasalamat sa salig nga gipiyag kaniya isip direktor, lakip na ang napundar nga panaghigalaay ug pamilya sa tibuok production team sulod sa tulo ka tuig nga ilang pagsuhit ug pag-uban.
Nagpadayag usab ang magtiayong KZ ug TJ og bittersweet nga pagbati sa pagtapos sa maong bahin sa ilang karera sa musika, samtang nagpasalamat sa tanang suporta sa ilang mga sumusunod sa tibuok world tour.