Houthi misulong sa pasilidad sa Saudi Aramco, daghang biyahe gikansela

Giatake sa rebeldeng Houthi ang administratibong bilding sa Saudi Aramco sa Dhahran, Saudi Arabia.

Gihimo kini isip balos sa mando sa koalisyon nga gipangulohan sa Saudi Arabia nga bakwiton ang usa ka pasilidad sa lana sa Sanaa, Yemen.

Samtang, upat ang nasamdan ug 15 ka balay ang nadaot sa Riyadh tungod sa mga tipik sa duha ka missile nga nasagang sa mga otoridad.

Tungod sa mga pag-atake sa tugpahanan ug imprastraktura sa lana, daghang internasyonal nga airline ang mihunong sa ilang mga biyahe padulong sa rehiyon.

Nagpasidaan ang gabinete sa Saudi Arabia nga moatubang og bug-at nga sangpotanan ang Houthi tungod sa padayon nga pagpamomba niini.