Gipasiugda sa usa ka legal expert nga ang isyu sa pagpadayag sa kahimtang sa panglawas ni Presidente Ferdinaand Marcos Jr. may kalabotan sa iyang katungdanan.
Sumala ni Atty. Oscar S. Moreno, nga ang mga opisyal adunay obligasyon sa katawhan nga ipahibalo ang ilang sitwasyon basta kini makaapekto sa ilang abilidad sa pagdumala, apan dili usab kinahanglan nga sobra ka dali o walay hustong basehan ang pagpagawas sa impormasyon mahitungod sa kahimtang sa panglawas.
Gipasabot usab sa abogado nga ang usa ka opisyal magpadayon sa iyang katungdanan samtang siya capacitated pa, ug dili dayon mahimong ilisan basta nasakit lamang, gawas kung mosunod sa gitakdang proseso sa Konstitusyon sama sa impeachment, kamatayon, o klarong incapacity.Â
Matud ni Moreno, nga ang mga krisis politikal ug ekonomiya nakaapekto sa kredibilidad sa administrasyon ug sa pagsalig sa mga investors ug publiko.
Apan gipasiugda nga ang Presidente napili sa katawhan, busa kinahanglan respetuhon ang mandato niini ug suportahan ang gobyerno alang sa kaayohan sa nasud.