Nagkasamok sa gawas sa Office of the Ombudsman human namugos sa pagsulod ang pipila ka grupo nga nagprotesta batok sa alegasyon sa korapsyon ug hinay nga lihok sa imbestigasyon sa flood control projects. Ang grupo nga Kilusang Bayan Kontra Kurakot, kauban ang mga biktima sa kalamidad ug ubang grupo kabahin sa isyu sa korapsyon, miabot sa buhatan pasado alas 10 sa buntag kagaahapong adlawa.
Nasuta nga misaka ang tensyon tali sa mga raliyista ug kapulisan, hinungdan nga nagka tinukluray apan dayon usab nga nakontrol sa mga otoridad ang sitwasyon human sa kapin usa ka oras. Sumala ni Albert Pascual, Secretary General sa Health Alliance for Democracy, ilang tuyo nga mosulod sa Ombudsman aron ipasabot ang kabalaka ug pagsupak sa giingong cover-up sa mga nalambigit sa isyu sa korapsyon.
Lakip sa nakighiusa sa natigayong rally mao si Mong palatino Secretary General sa bagong alyansang makabayan. gipadayag ang iyang pagsupak ug kabalaka sa cover-up sa mga nalamabigit kalabot sa imbestigahon sa korapsyon sa flood control projects.