Gimandoan ni Presidente Ferdinand Marcos Jr. ang Department of Foreign Affairs (DFA) nga makigpulong sa nasud sa Iran aron maseguro ang luwas nga paglawig sa mga barko nga nagdala og mga suplay padulong sa Pilipinas.
Kini ang gikumpirmar ni Palace Press Officer Undersecretary Claire Castro usa ka press briefing karung adlawa, martes, nga matud pa gitahasan sa Presidente si DFA Secretary Theresa Lazaro nga makig-alayon sa ambassador sa Iran alang sa maong katuyoan.
Giklaro usab ni USec. Claire Castro nga dili magbakasyon ang Presidente bisan pa man sa pagsaulog sa Holy Week.
Una nang gipadayag sa Presidente nga mopauli kini sa Ilocos Norte, apan mobalik ra usab kini sa Manila inig abot sa weekend.
Sumala sa Palasyo, magpabiling aktibo ang Presidente sa mga buluhaton bisan paman sa pag-obserba sa maong balaan nga mga adlaw.