Babaye sa Kalilangan, nasikop sa smuggled cigarettes

Nasikop sa operasyon batok sa smuggled cigarettes ang usa ka 47-anyos nga babaye sa Purok 6, Barangay Central Poblacion, Kalilangan, Bukidnon.

Gipahigayon ang operasyon sa Kalilangan Municipal Police Station kauban ang ubang police ug military units sa koordinasyon sa Provincial Intelligence Unit sa Bukidnon Police Provincial Office.

Sa operasyon, nakumpiska ang tulo ka ream sa sigarilyong nga walay Government Graphic Health Warning sticker ug adunay kantidad nga ₱2,400.

Ang nadakpan nga suspetsad ug ang mga nakumpiskang sigarilyo gidala sa Kalilangan MPS ug iturn-over ngadto sa Municipal Health Unit sa Kalilangan alang sa hustong disposisyon.