Duha ka lalaki sa Kibawe, Bukidnon nasikop sa anti-drug operation

Nasikop sa police operation sa Kibawe Municipal Police Station ang duha ka lalaki sa Barangay Old Kibawe, Kibawe, Bukidnon niadtong milabay’ng gabii tungod sa giingong paglapas sa balaod kontra ilegal nga droga.

Nakumpiska gikan sa mga suspek ang pipila ka sachet sa gituohang shabu nga adunay kinatibuk-ang gibug-aton nga 2.45 gramos ug kantidad nga ₱16,660 ug uban pang ebidensya.

Ang mga nadakpan ug mga ebidensya gidala sa Kibawe Municipal Police Station alang sa hustong disposisyon samtang ang mga drug evidence ipadala sa Provincial Forensic Unit alang sa eksaminasyon.