Masaligon ang Office of the Ombudsman nga nahatagan og ‘due process’ si kanhi Sen. Bong Revilla Jr. bahin sa kaso nga may kalabotan sa maanomalyang flood control projects.
Sumala kang Assistant Ombudsman Mico Clavano, gipatubag ang kanhing mamababaload ug nahatagan og kahigayonan nga isumite ang iyang depensa.
Tungod niini, gibarugan sa Ombdusman nga nasunod ang husto nga proseso o ‘due process’ sa pagsang-at sa kaso batok sa kanhing senador.
Ang pahayag nagsunod sa desisyon sa ikatulong dibisyon sa Sandiganbayan nga nagpabor sa apela ni Revilla aron ireconsider ang resolusyon sa Ombudsman nga makasuhan siya og ‘malversation’.
Nagpasaka ang kampo ni Revilla ug ang kauban nga akusado nga si Juanito Mendoza og motion for reconsideration sa korte, nga nagreklamo nga wala sila nahatagan og due process ug nasupak ang ilang katungod sa pagpasaka kanila og kaso bahin sa anomalya sa flood control.