Hugot nga gihimakak sa nasud sa Iran pinaagi sa Iranian Oil Terminals Company ang mga report bahin sa giingong oil leak duol sa Kharg Island.
Kini usa sa nag-unang export hub sa Persian Gulf. Nigawas ang maong mga taho human gipakita sa satellite imagery ang usa ka dako nga oil slick sa kasadpang bahin sa isla niining mga nangaging adlaw.
Matud sa chief executive sa kompanya, nipahigayon kini og inspeksyon sa mga storage tanks, pipelines, ug loading facilities, apan wala silay nakitang bisan unsang senyales sa pagtulo sa lana.
Gikumpirma usab sa opisyal nga bisan ang Marine Emergency Mutual Aid Center (MEMAC) wala’y natala nga leakage sa maong dapit.
Dugang pa niini, naghimo usab og field inspections ug laboratory testing ang ilang mga team, apan napamatud-an nga walay bisan gamay nga timaan o timailhan sa oil spill.