Nasikop ang upat ka giingong street-level drug personalities sa sunod-sunod nga buy-bust operation sa mga lungsod sa Libona, Manolo Fortich ug Pangantucan, Bukidnon, diin kapin ₱333,000 nga balor sa gidudahang shabu ang nakumpiska sa kapulisan.
Sumala kang Bukidnon Police Provincial Office Director Police Colonel Oliver Sotto Navales, unang nadakpan sa Libona ang 28-anyos nga alyas “Tonton” nga nakuhanan og 13.4 gramos nga shabu.
Nasikop usab sa Barangay Damilag, Manolo Fortich ang duha ka suspek nga sila alyas “Winnie” ug ang iyang kauban.
Samtang, kapin 33 gramos nga shabu nga nagkantidad og kapin ₱225,000 ang nakuha gikan sa 42-anyos nga alyas “Nonoy” sa Pangantucan, lakip ang usa ka motorsiklo.
Nag-atubang na ang tanang nadakpan og kaso tungod sa paglapas sa Republic Act 9165 o Comprehensive Dangerous Drugs Act of 2002.