Gipahunong sa mga awtoridad sa Japan ang usa ka JR Tokaido Line train sa Kawasaki Station niadtong Mayo 10 human nikatap ang taho bahin sa usa ka wala mailhing kemikal nga gi-spray sulod sa usa ka carriage.
Tungod sa maong insidente, daling girespondehan sa kapin 20 ka ambulansya ang dapit diin nakasinati og panakit sa tutunlan, ubo, ug pagkalipong ang pipila ka mga pasahero.
Tulo ka tawo lakip ang usa ka tuig nga batang babaye ug mga ginikanan niini ang gidala sa tambalanan tungod sa “mild symptoms,” samtang pito pa ka laing pasahero ang gitambalan on-site.
Bisan pa sa gihimong pakisusi sa mga bombero ug mga hazmat team, wala silay nakit-an nga bisan unsang peligrosong gas o makahilong kemikal sa sulod sa tren.
Nagpahigayon na karon og mas lawom nga imbestigasyon ang mga awtoridad pinaagi sa pag-review sa mga CCTV footage aron mailhan ang responsable sa maong pagpabuhagay og spray nga nakapalangan sa serbisyo sa tren.