Nagsugod na ang midterm elections sa Estados Unidos diin mopili ang mga botante og bag-ong mga representante sa House of Representatives ug Senado.
Sa pagkakaron, kontrolado sa Republican Party, partido ni Presidente Donald Trump, ang duha ka kapulungan sa Kongreso.
Tungod niini, mahinungdanon ang resulta sa eleksiyon alang sa pagpatuman sa mga polisiya ni Trump sa nahibiling duha ka tuig sa iyang termino.
Gibutang sa botohan ang tanang 435 ka puwesto sa House of Representatives. Sa 18 ka distrito nga giisip nga toss-up o hugot nga panag-indigay, 14 niini ang kasamtangang kontrolado sa Republicans samtang upat ang hawid sa Democrats.
Alas-otso sa gabii niadtong Nobyembre 3 giablihan ang mga presinto sa Florida, Delaware, Georgia, Illinois, Louisiana, Maryland, Massachusetts, Michigan, Missouri, Pennsylvania, Rhode Island, South Carolina ug Washington, D.C.
Mas sayo usab nga nagsugod ang botohan sa pipila ka lugar sa East Coast, lakip ang Maine ug Ohio nga giisip nga importanteng swing states.
Samtang, kapin sa 58.6 milyones ka mga Amerikano ang nakabotar na pinaagi sa early voting ug mail ballots sa wala pa ang mismong adlaw sa eleksiyon.