NATO, gibabagan ang plano ni Trump sa pag-atras sa mga sundalo gikan sa Germany

Gibabagan sa North Atlantic Treaty Organization (NATO) ang plano sa Estados Unidos nga tangtangon ang gibanabanang 5,000 ka mga sundalo niini gikan sa Germany tungod sa kabalaka sa seguridad sa tibuok Europa. Matod ni NATO spokesperson Allison Hart, padayon pa silang nangayo og katin-awan sa Washington human gihulagway ni Presidente Donald Trump ang alyansa nga usa ka “paper tiger” o walay pulos. Ang maong lakang sa US giingong silot sa Europa tungod sa wala niini pagsuporta sa giyera batok sa Iran kauban ang Israel. Sa pagkakaron, ginasusi pa sa NATO ang mas lawom nga epekto niini sa estratehikong depensa sa rehiyon samtang gihikay ang dugang negosasyon tali sa duha ka kampo. Ang maong desisyon nagmugna og dakong tensyon sa relasyon sa US ug sa iyang mga kaalyado sa NATO. Tungod niini, nagpabiling mabinantayon ang tibuok alyansa sa mahimong resulta sa maong deklarasyon ni Trump.