Gipakusgan pa sa mga Member States sa World Health Organization (WHO) ang paningkamot sa paghan-ay sa Pathogen Access and Benefit Sharing (PABS) annex, nga usa ka mahinungdanong bahin sa WHO Pandemic Agreement.
Bag-ohay lamang nahuman sa Geneva ang ikaunom nga tigom sa Intergovernmental Working Group (IGWG) diin gituki ang maong sistema aron masiguro ang patas nga pag-apud-apod sa mga bakuna, tambal, ug uban pang benepisyo gikan sa mga pathogen.
Matud ni WHO Director-General Dr. Tedros Adhanom Ghebreyesus, dako na ang naabtan sa maong panaghisgot ug malaumon kini nga masulbad ang mga ginagmayng isyu sa dili pa ang Seventy-ninth World Health Assembly (WHA) karong bulana.
Tungod nagkinahanglan pa og dugang lawom nga negosasyon, nakatakda ang sunod nga hugna sa diskusyon sa ikapito nga meeting sa IGWG karong Hulyo 6 hangtod 17, 2026, ubos sa Resolution WHA78.1.