US gipanghimakak ang pag-angkon sa Iran nga adunay gipahagba nga military helicopter

Gipanghimakak sa Estados Unidos ang pag-angkon sa Iran nga adunay gipahagba nga militar nga helikopter ang mga armadong pwersa niini diha sa Tunga-tungang Sidlakan.

Subay sa gipagawas nga pahayag sa US Central Command (CENTCOM), walay bisan usa sa ilang mga aircraft o helikopter ang naigo, naguba, o nawala sa ilang gipahigayong mga operasyon. Gipatin-aw sa mga opisyal sa militar sa Amerika nga bakak ug walay bisan unsang basihan ang maong mga pahayag gikan sa state media sa Iran.

Nagpabilin nga taas ang tensyon tali sa duha ka nasud taliwala sa padayong operasyon sa militar diha sa rehiyon, diin gipasalig sa Estados Unidos nga padayon nilang masiguro ang seguridad sa ilang mga sundalo ug ang kalamposan sa ilang mga misyon.