Gipadayag ni House prosecution deputy spokesperson Atty. Hezekiah Joshua “Hez” Montalan nga mikabat sa ₱4.4 bilyon ang mga pondong miagi sa bank transactions nga nalambigit sa mga rekord ni Vice President Sara Duterte, lakip ang kapin ₱300 milyon nga giingong gikan sa usa ka kompanya sa China.
Matud ni Montalan, nagdala usab kini og mga pangutana bahin sa national security.
Lakip sa iyang gihisgutan ang ₱173.7 milyon nga nalambigit sa pito ka transaksyon nga natala sulod lamang sa usa ka adlaw niadtong Marso 2014.
Gipasabot usab ni Montalan nga giisip sa prosecution nga may kalabutan sa national security ang mga rekord sa dagkong kantidad sa salapi nga giingong gikan sa China, ilabi na sa konteksto sa mga transaksyon nga giusisa sa impeachment proceedings.